اداکارہ ایشا گپتا نے اپنے ہونٹوں کی سرجری خبروں پر خاموشی توڑ دی Easha Gaufta India actress
بعض بھارتی نشریاتی اداروں نے اپنی خبروں میں سوشل میڈیا پر لوگوں کے تبصروں کو بنیاد بناتے ہوئے بتایا کہ ایشا گپتا نے ہونٹوں کی سرجری کرالی، ایشا گپتا سے متعلق یہ خبریں ان کی حالیہ تصاویر سامنے آنے کے بعد گردش کرنے لگیں، کیوں کہ اچانک گزشتہ 10 دن سے اداکارہ کے چہرے اور خصوصی طور پر ان کے ہونٹ ماضی کے مقابلے نہایت ہی بدلے نظر آئے، کہا گیا کہ انہوں نے انجلینا جولی کی طرح دکھنے کیلئے یہ روپ اختیار کیا ہے۔
چہ مگوئیوں کے بعد اداکارہ نے بھی خاموشی توڑتے ہوئے اپنی سرجری سے متعلق حقیقت بیان کردی۔ ایشا گپتا نے اپنی ذہانت کا استعمال کرتے ہوئے انسٹاگرام پوسٹ پر قدرے غیر واضح بیان دیا۔ اداکارہ نے اپنی ایک ویڈیو شیئر کرتے ہوئے کیپشن میں لکھا کہ ان سب مداحوں کے لیے جو انہیں ہر روز ایک نئے انداز میں دیکھنا چاہتے ہیں۔ایشا گپتا نے کیپشن میں مزید لکھا کہ نو میک اپ لک اور نو فلٹر، آپ سب کے لیے پیار۔
ان کی اس ویڈیو پر بھی کئی صارفین نے کمنٹ میں لکھا کہ اب ان کے ہونٹ مکمل طور پر انجلینا جولی جیسے نظر آ رہے ہیں۔ بعض مداحوں نے ان کا شکریہ ادا کیا، جب کہ کئی مداحوں نے انہیں خوبصورت ترین اداکارہ قرار دیا۔
Comments
Post a Comment